-- Advertisements --
ODD NEWS– Usa nga kakaiba nga performance an natambungan ha Museum of Modern Art of Madeira (MAMMA) mahuman nga makab-ot hiton Portuguese saxophonist nga hi Elvis Nunes Sousa an Guinness World Record para ha titulo nga “longest marathon playing saxophone”.
Nagdugay an iya performance hin 33 ka-oras, mas hilaba ine kumpara ha anay nga record nga 26 ka oras ngan 23 minutos nga kapot han musikero ha India.
Ha sulod hiton usa ka-adlaw, pautro-utro nga ginpatukay ni Elvis an 73 nga kanta kaupod na hine an Pink Panther theme song ngan mga kanta ni Louis Armstrong).
Gintugutan la hiya nga pumahuway hin 5 minutes break kada oras ha pagtukay, nga iya naman gintirok para makapahuway hin 20 minutos kada upat ka-oras.
