TACLOBAN CITY- Patay an usa nga lalaki mahuman nga umato ha buy bust operation an mga kapulisan ha may Flordeliz Macrohon Soutern Leyte.
Ginkilala an suspek nga hi Glen Gildo, aada ha sakto nga pangidaron , waray asawa , ngan waray trabaho ngan residente han Brgy. Poblacion , Padre Burgos , Southern Leyte.
Subay ha imbestigasyon han mga kapulisan nga maiiha na ine nga ira gin bibinantayan nga myembro han Acasio Drug Group han mao nga lugar.
Sumala kan PMAJ. Ariel Nuñez , Team Leader han Southern Leyte Police Provincial Drug Enforcement Officer han Macrohon MPS ngan PDEA 8, nga umato an suspek mahuman mahisabtan hine nga pulis an iya ginbabaligyaan han gintutuohan nga shabu.
Nakaangkon naman an suspek hin igo ha butkon ngan dughan , nga nagin kawsa naman han iya kamatayon.
Dayon naman nga gin dalagan an mao nga suspek ha pinakaharani nga ospital pero gindeklara na ine nga dead on arrival.
Nakuha naman ha posisyon hansuspek an 5 ka sachet han gintutuohan nga shabu ngan 1000 nga buy bust money.
