-- Advertisements --
NATIONAL NEWS– Ginpahayag han Department of Justice (DOJ) nga posible nga damo pa nga mga personalidad labot la ha usa nga‘celebrity’ an dabi ha pagkawara hiton mga biktima nga sabungero.
Sumala kan Justice Secretary Jesus Crispin Remulla, posible nga mayda pa mga kilala nga pagkatawo an gin-iimbestigaran kasumpay ha nawawara nga mga sabungero.
Ha kaluyo hine, bumaribad anay kumpirmahon han nasabi nga kalihim kun mayda ba kamatuoran nga kasabwat han ‘mastermind’ an usa nga kilala nga artista nga babayi.
Labot dinhi, iya naman ginkalipay nga damo an development ha ira gindudumara nga imbestigasyon labi na ha mga impormasyon nga padayon nira nga gin-aadman.
