INTERNATIONAL – Ginbuyagyag han medical staff ni Pope Francis nga ginkokonsidera na nira nga undangan an pag papa-ospital han Santo Papa agud ini in tumalikod na.
Ginmalatumat ni Professor Sergio Alfieri, nga dida han Pebrero 28 in nagin kritikal an kabutangan kun diin, nagkuri paghinga an 88-anyos nga Santo Papa.
Dugang pa hini nga nagdedesisyon na hira kun u-undangon an pag papa-ospital o pipiriton ini nga paimnon hin bisan ano nga tambal agud mapaupay hi Pope Francis.
Ginpili nira an nasabi nga paghahatag hin tambal ha Santo Papa bisan man may dako nga kadelekaduhan nga makakaruba ha iya mga internal organs.
Sumala ha ira nga kinahanglan nira buhaton an tanan nga ira akos ngan prubaran tanan agud maupay an Santo Papa.
Manunumduman dida han Marso 23 in nakagawas na an Santo Papa ha ospital mahuman an 38 ka-adlaw hini.
