-- Advertisements --
NATIONAL – Tutugutan han Bureau of Corrections hi Mary Jane Veloso nga makaupod man iya pamilya ha adlaw han pasko samtang nakapaslak ha Correctional Institution for Women ha syudad han Mandaluyong.
Sumala kan BuCor Director General Gregorio Pio Catapang Jr., puydi bumisita an pamilya ni Veloso para magka-urusa ha pagselebrar han pasko.
Samtang, iginpahayag ni Catapang nga kahuman an lima ka-adlaw nga quarantine period in puydi na kumarawat hin bisita hi Mary Jane.
Pag-isplikar han opisyal, an nasabi nga quarantine period in mandatoryo para ha tanan nga Persons Deprived of Liberty (PDL) samtang iginpapa-ilarom ha kaangayan nga medical ngan physical examination.
