ENTERTAINMENT – Ha edad nga 51 anyos, natuman na ni Marjorie Barretto an maiha na niya nga pangandoy ha kinabuhi nga makaghuman ha kolehiyo.
Iginpasaro han aktres ha social media an iya nagin emosyonal nga pagbalik ha pag-eskwela mahuman nga igpaligid niya ini para ha showbiz, pagigin nanay, public service, ngan para ha iya negosyo.
Sumala kan Marjorie, waray mangalimot an Ginoo ha iya ngan gintagan hiya hin kusog ngan pagla-om nga makatabok ha finish line ngan mahuman an kolehiyo.
Ginpasalamatan naman ni Marjorie an Philippine Women’s University (PWU) ngan an iya sangkay nga hi Ruffa Gutierrez nga nagduso ha iya nga bumalik ha pag-eskwela.
Dugang pa niya, hi Ruffa an gisiyasiyahani ha ira grupo nga naka-gradwar ha kolehiyo ngan padayon nga naghatag hin inspirasyon.
Samtang, ginpasalamatan gihapon ni Marjorie an mga ginhihigugma niya ha kinabuhi nga sumuporta ha iya ha panahon han iya pagruhaduha ngan pagkahulop.
Labot la kan Marjorie, nahuman na gihapon ha kolehiyo an iya anak nga hi Leon Barretto ha pareho nga tuig hinungdan nga malipayon hin duro an ira pamilya.
