NATIONAL – Gintawag han Malakanyang nga diversionary tactic an pahayag ni Vice President Sara Duterte nga an pagigin frontrunner niya ha 2028 presidential race an hinungdan nga gintatarget hiya han administrasyon ni President Ferdinand Marcos Jr.
Ini an nagin reaksyon han Palasyo mahuman an ginbul-iwan nga pulong han bise presidente nga karuyag ni Marcos nga magpabilin an gahom hinungdan nga ginduduso an impeachment case kontra ha iya.
Sumala kan Palace Press Officer Claire Castro, karuyag la ni VP Sara nga ibahon an mga iristoryahon agud diri mahingadayan an iya accountability o baratunon ha sayop nga paggamit han confidential funds ha ilarom han iya liderato ngan iba pa nga reklamo nga nakabutang ha articles of impeachment.
Mahitungod hini, gin-ayat ni Castro an bise presidente nga batunon an mga alegasyon ngan diri magtinago ha luyo han mga nasabi nga naratibo.
