NATIONAL–Mahugot nga gindiwara han Malakanyang an mga report ha social media kanit ha ginaalegar nga insidente hin road harassment kun diin nahiupod an usa nga “presidential son” ha may parte han North Luzon Express (NLEX).
Sumala kan Presidential Communications Office (PCO) Secretary Dave Gomez nga waray nahitabo nga ano man nga insidente nga mayada kalabutan ha hino man nga anak han Pangulo.
Mayada gumawas kasi nga report ha social media pasado alas 7 han gab-i in ginaalegar nga ginbalabgan an tulo ka sarakyan an convoy nga nahisumat nga lulan han presidential son.
Mayada mga report gihapon hin 15 ka lalaki nga umubos tikang ha mga sarakyan nga nakarehistro ha usa nga bungto ha Bulacan ngan ginkompranta an convoy mahuman nga ginaalegar nga nag-overtake ine.
Waray pa ginpagawas nga opisyal nga pahayag nga pampaklaro han mga otoridad ngan naninindigon an Malakanyang nga waray sugad nga insidente nga nahitabo.
