METRO MANILA – Dire abuyon an Malacañang ha mga panawagan nga magdeklara hin state of national emergency agud makontrol han gobyerno an oil industry ha butnga han padayon nga paghitaas han presyo han lana.
Sumala kan Palace Press Officer Claire Castro, waray pa rason agud magdeklara hin emergency hi Presidente Ferdinand Marcos Jr., mahitungod nga dire naman kritikal an sitwasyon.
Aktibo gihapon an Department of Energy ha pagkikipag-sumpayan ha mga oil companies agud bantayan an pag-kiwa han presyo.
Samtang, ginmalatumat han Palasyo nga naghihimo na hin pitad an Kongreso, kaupod an balaudnon nga nagtutugot ha Presidente nga mag-iban o magsuspinde han excise tax ha lana.
Nauna na nga ginsuhestyon ni House Deputy Speaker Raymond Mendoza an pagdedeklara han state on national emergency mahitungod ha epekto han giyera ha Middle East ha presyo han petrolyo.
