NATIONAL- Ginlalauman nga masaka ha sobra kumulang 300,000 an mabisita ha Manila North Cemetery yana nga bisperas hiton Undas o Adlaw hiton mga Patay.
Ginmalatumat ni Manila North Cemetery Director Daniel Tan, nga ira na ginlalauman nga madamo itgon tawo yana nga adlaw matungod nga waray trabaho ngan holiday.
Ha pagkayana, paru-padayon an pag-abot han mga katawhan ha sementeryo agud nga dire an mga ine makigdurungan ngan makibugiut ha pagdamo hiton mabisita buwas kutob ha adlaw hiton Domingo.
Mahugot naman nga ginmomonitor ni Director Tan an sitwasyon ha sulod ngan gawas han sementeryo agud nga masigurado an katalwasan ngan seguridad han mga mabisita.
Mayda gihapon 64 nga CCTV cameras ha palibot hiton Manila North Cemetery ngan magpapalupad gihapon hin mga drone para ha katalwasan hiton publiko.
