TACLOBAN CITY – Maabot na ha 50 nga mga mayors ha bug-os nga Sinirangan Bisayas an nakagradwar han Municipal Leadership and Governance Program (MLGP), usa nga health governance course nga ginpapangunahan han Department of Health (DOH) kasugbong an academic partner hini nga UP School of Health Sciences.
Sumala kan Dr. Exulperia Sabalberino, Assistant Regional Director han DOH 8, nagtikang an mao nga programa ngada pa han tuig 2013, pero mahitungod han paglasurbo han Supertyphoon Yolanda in nadelatar ini ngan ginpadayon ha pagkayana.
Ha mao programa, ginpapailarom ha usa katuig nga training an mga local chief executives kaupod an mga municipal health officers kun diin ginbubuligan hira nga matudlok an mga local health issues ha ira tagsa-tagsa nga bungto nga amo an sadang nira tututukan ngan tagan hin solusyon.
Mayda gihapon ginhihimo nga baseline road map kun diin amo ini an baseline data ngan health indicator nga ginsusunod agud nga masolbar an mga local health issues ha ira lugar.
Nagtutuo gihapon an DOH nga pinaagi han mao nga programa in mas mapapaupay an leadership han mga opisyales ngan han municipal health officers partikular na ha pakipagsumpayan ha mg Brgy. Health leaders.
Ginlalauman naman nga madudugngan pa an ihap han mga local chief executives nga makakagraduate ha mao nga unicipal Leadership and Governance Program.
