-- Advertisements --
TACLOBAN CITY- Maabot ha sobra 15 million pesos an ginbilin nga danyos han bagyong Agaton ha Abuyog ngan Baybay City ha fishery sector, sumala ha Bureau of Fisheries and Aquatic Resources (BFAR) Regional office 8.
Sumala kan Cylet Salvacion Lluz, OIC Regional Director han BFAR-8, nga ine in subay ha gindumura nga latest assesment monitoring nga ginhimo han ira buhatan ha mga nadarahigan nga mga parupangisda han naglabay nga bagyo.
Dugang pa hine nga maabot naman ha 549 nga mga indibidwal nga parupangisda an nagpapabelin nga apektado han bagyong Agaton.
Ginmalatumat naman hine nga maabot ha 200 an ihap han mga nagkaguguba nga fishing boat partikular na ha Abuyog Leyte.
