TACLOBAN CITY- Patay an usa nga lalaki mahuman ini nga tigbason han iya la mismo ugangan ha Leyte.
Guinkilala an biktima nga hi Jeffry Udtuhan, 31 anyos an pangidaron, kasal ngan residente han Barangay 
Cabalagnan, Tanauan, Leyte.
Samtang, guinkilala an suspek nga hi Eleuterio Songalia, 55 anyos an pangidaron ngan residente han Barangay San Roque ha pareho nga lugar.
Sumala kan Police Chief Inspector Francisco Tupaz, hepe han Tanauan PNP nga may personal nga delito an duduha may kalabutan ha mga higamit han panimalay kun diin dayon nala nga guintigbas han suspek an liog han biktima nga nagresulta han dagmit hini nga kamatayon.
Narecover naman an sundang nga guin gamit han suspek.
Dugang pa ni PCI Tupaz nga pareho nga naimpluwensyahan han irimnon nga makahurubog an duduha.
An kaparte han pamahayag ni Police Chief Inspector Francisco Tupaz, hepe han Tanauan PNP
Samtang, kapot na han mga kapulisan an mao nga uspek mahitungod han nabuhat hini nga krimen.
