Nagpalusad hin latest nga red tide advisory an Bureau of Fisheries and Aquatic Resources may paghisumpay han pag-positibo ha Pyrodinium Bahamense nga nagdudurot hin Red Tide Toxin o Saxitoxin an samples nga ginkolekta ha pira nga tubig-dagat ha Sinirangan Bisayas.
Aada ha ilarum hini nga red tide warning an Irong-Irong Bay ha Samar.
Samtang naka-isa naman an Shellfish Ban ha Biliran Island, Daram Samar, Matarinao Bay ha Eastern Samar sakop an mga bungto han General MacArthur, Quinapondan, Hernani, ngan Salcedo, mahuman nga mag-positibo ha red tide toxin an mga shellfish meat samples o unod han pagti-on nga nakolekta tikang ha mga nasabi nga katubigan.
Kasumpay hini, mahugot nga gindidire an panguha, pagkaon ngan pangolekta han ngatanan nga klase hiton panti-on o shellfish ngan alamang tikang hinin nga mga kadagatan.
Samtang an isda, nu-os, pasayan ngan masag tikang hini nga kadagatan in puydi igkonsumo basta siguraduhon la nga presko ngan tatanggalon an mga lamang loob sugag han tina-i ngan hasang, ngan lilimpyohan hin maupay an mga ini.
