NATIONAL–Nanindogan hi Senate President Pro Tempore Panfilo Lacson nga waray ensakto nga ebidensya nga magdadawit kan anay House Speaker ngan Leyte Rep. Martin Romualdez ha anomalya kanit hiton flood control scandal.
Syahan nga gumawas an inisyal nag report han Senate Blue Ribbon Committee nga nagrerekomenda ha pagpapasaka hin kaso kontra kanda Sen. Chiz Escudero, Sen. Jingoy Estrada, Sen. Joel Villanueva, ngan iba pa nga dagko nga mga ngaran.
Pero, ha bag-o nga partial report, in ginbag-o ine ngan ginrekomenda an pagbubuhat hin preliminary investigation kontra ha mga nasabi nga nga ngaran kun diin dire la gihapon upod an ngaran ni Romualdez ha revised report.
Gin-eksplikar ni Sen. Lacson nga nalingkod kumo chairman han nasabi nga komite, an rekomendasyon para kan Romualdez in an nagpapadayon nga fact-finding efforts ngan an possible nga pagbug-os hin kaso kontra ha iya.
Kalakip hine kay an financial security ha karikohan han patod han presidente kun diin importante an bulig han Anti-Money Laundering Council.
Ha pagkayana basaran han komite in an nagin testimonya han kontroberyal ga witness nga hi Orly Guteza.
Ha kaluyo hine, nagpapabilin la gihapon an posibilidad nga magbabag-o gihapon an estado ni Romualdez ha pinal nga committee report samtang nagpapadayon pa gihapon an imbestigasyon han Senado kasumpay ha nasabi nga iskandalo.
