TACLOBAN CITY–Suspendido an klase ha elementary ngan high school matungod han Tropical Depression Verbena basar ha ginpagawas nga anunsyo ni Vice Mayor Raymund Romualdez kanina han aga.
Sumala kan Dr. Nilo Eder, Information Officer han DepEd City Division nga basar ha DepEd Order No. 22 Series of 2024, ha mga sitwasyon sugad hiton Orange ngan Red Rainfall Warning, otomatiko na nga magigin face-to-face classes an alternatibo nga delivery modality.
Dugang pa hine ha Tropical Cyclone Wind Signal No. 1, suspendido an kalse han kinder, samtang kinder kutob junior high school naman an suspendido ha Signal No. 2 ngan ngatanan naman nga lebel kalakip na an trabaho kun Signal No. 3.
Ginklaro naman niya nga kun igbalyo an warning ha Yellow Rainfall Warning, dire na obligado nga bumalik an mga estudyante pero kun waray warning ha masunod nga adlaw, magkakamayada hin klase labot la kun mayada Executive Order.
Samtang, ginpasabot naman nira ha mga eskwelahan partikular na ha mga magturotdo nga panginanuon an mga importante nga document partikular na adton eskwelahan nga barahaon.
