NATIONAL–Ginkumpirma han Department of Justice nga ‘submitted for resoulution ‘ na an reklamo nga ‘malveration nga ginaatubangan ni anay Senador Bong Revilla Jr.
Ine mismo an ginmalatumat ni Atty. Polo Martinez, spokesperson han departamento ha pakikighimangraw ha iya kanit hiton reklamo.
Kun diin iistudyohan pa hin maupay han prosekusyon an dire pa pinal nga resolusyon agud nga matudlok kun ano nga pitad an bubuhaton para ha reklamo.
Posible kasi nga gumawas ha resolusyon ngan desisyon hine nga igpasaka nga kaso an nasabi nga reklamo o posible nga igbasura ngan dire igpasaka ha naangay nga korte.
Ginmalatumat ni Martinez nga an nasabi nga ‘malversation case’ kontra ha anay senador in mayada kalabutan ha maanomalya nga proyekto konektado ha kumpanya nga SYMS Construction Trading.
Dugang pa hine nga parte an reklamo ha syahan nga batch han ‘lima ka kaso’ ngha ginhaon ha DOJ.
An tulon daw died in presente nga ‘pending for release’ pa, sumala kan Maritinez.
Samtang, an ‘malversation complaint’ kontra kan Revilla naman kay ‘pending for review’ na.
Pero ha kaluyo ha hine in waray na nakatalaan nga petsa nga ginmalatumat ni Atty. Martinez kun san-o magawas an pinal nga resolusyon han prosekusyon kanit ha reklamo.
Dugang pa han Justice Spokesperson nga han ika 12 pa han naglabay nga bulan han Enero in ‘submitted for resolution’ na an malversation case kontra kan Revilla.
Sumala ha opisyal, konektado ine ha ‘timeline’ nga ginkikita hine in 60 ka adlaw tikang han ginhaon an reklamo bago nga ginresolba han prosekusyon.
Pero, ginklaro han spokesperson nga an mga kaso kanit hiton korapsyon ha flood control in dire naman magkadungan nga ginpasaka ha departamento
Ginmalatumat hine nga umabot an tulo ka batches ha DOJ ha magkalain lain nga mga oras ngan petsa hin pag-file.
Hi anay Senador bong Revilla Jr. in naka atubang yana ha patong-patong nga mga reklamo ngan kaso dire la ha DOJ, kundi magin ha iba nga korte na mismo.
Ha departamento, iya ginkakaatubang an mga reklamo nga ‘malversation’ pati an ‘plunder case’ mahitungod nga nahiupod ine ha korapsyon ha flood control.
Presente hiya nga nakadetene ha New Quezon City Jail ha Payatas, Quezon City.
