NATIONAL–Mahugot nga gindiwara ni Vice President Sara Duterte an ano man nga kalabutan ha ginaalegar nga death threat kontra kan Ramil Madriaga, anay aide nga tumestigo kontra ha iya ha impeachment proceedings.
Sumala ha iya abogado nga hi Atty. Salvador Panelo Jr., waray rason para igkaryag han kampo ni Duterte nga mawara hi Madriaga, saliwan hine in mas karuyag nira nga magpabilin ine nga buhi agud nga ma-eksamin ngan igdiwara an mga akusasyon nga gintawagan nira ga “obviously fabricated.”
Samtang, ginduon han abogado ni Madriaga nga mayada P5-M nga patong para ha hin-o man nga makakapatay ha iya kliyente sulod hiton presohan.
Sugad man, ginkalro han Bureau of Jail Management and Penology (BJMP) nga waray hira nakikit-an nga aktwal nga hulga ha kinabuhi ni Madriaga, ngan ginsigurado ga mahugot an seguridad ha sulod han pasilidad.
Urhi naman nga ginreport nga nakaabat hi Madriaga hin panha-harras tikang ha kapwa detene, higayon nga magbuhat hin imbestigasyon ngan dugang nga pagbabantay.
An kontrobersiya iun padayon nga nagigin sentro han impeachment case kontra kan VP Sara Duterte, kun diin gintatagan hin duon han iya kampo nga waray basehan an mga alegasyon han korapsyon ngan sayop nga paggamit hin pondo.
Ha kaluyo han mga akusasyon, nagpapabilin nga madig-on an posisyon han Bise Presidente nga andam hiya nga umatubang ha proseso ngan igpakita nga waray kamatuoran an mga akusayson.
An insidente in nagdudgang ha tensyon ha politika, labi na nga kakadungan hine an mga panhisgot ha West Philippine Sea ngan iba pa nga isyu ha nasud, nga padayon nga ginbabantayan han publiko.
