Umapela an kampo ni Kingdom of Jesus Christ (KOJC) founder Apollo Quiboloy ha administrasyong Marcos nga pabay-an an mga korte ha nasud nga magdesisyon ha iya mga kaso ugsa magdesisyon kasumpay ha hangyo han Amerika para ha iya extradition.
Sumala ha abogago ni Quiboloy nga hi Atty. Israelito Torreon, ginkilala han ira kampo nga ada ha discretion han estado kun tutugutan o dire hi Quiboloy nga ma-extradite ha US bisan kun nakabinbin pala o napagdesisyon nga an kaso kontra ha iya ha ilarom han extradition treaty ha butnga han duha nga nasud.
Nauna na nga gin kumpirma ni Philippine Ambassador to US Jose Manuel Romualdez nga ginhangyo han US an extradition kay Quiboloy.
Kapot na daw han DOJ an mga dokumento o ebidensya para ha extradition request dida pa han Hunyo.
Pero sumala naman kan Atty. Torreon, nakatalaan pala nira nga makarawat an mga dokumento may paghisumpay ha extradition request han US.
