-- Advertisements --
NATIONAL – Igin-patapod ni Speaker Ferdinand Martin Romualdez nga tututukan hiton Kamara de Representantes an kahimtang han haros 1 milyon nga mga magturutdo ha pampubliko nga mga eskwelahan, partikular na iton ira sweldo, benepisyo, nga mga panginginahanglan ha pagtutdo.
Igin-pahayag ni Romualdez nga an mga saad han administrasyon ni Presidente Ferdinand Marcos Jr., kasugbong hi Education Sec. Sonny Angara in tatagan nira hin prayoridad ngan diri la “lip service.”
Ginkilala gihapon ni Romualdez an sakripisyo han mga magturutdo agud mabuligan an mga estudyante nga magin preparado ha pag-atubang ha anuman nga ayat ha kinabuhi.
