ENTERTAINMENT NEWS – Nakaabot ha ‘right place at the right time’ an komedyante nga hi John Feir ha kasal han iya co-star nga hi Mikoy Morales ngan han non-showbiz partner hini nga hi Isa Garcia dida han nakalabay nga Sabado, March 14, 2026 ha St. John Bosco Parish, Makati City.
Manunumduman nga han nakalabay nga bulan han Enero in nagsayop hi Feir han hunaon hini nga an mao nga bulan an kasal ni Mikoy. Tungod hini, nag post pa an komedyante hin usa nga nakakaliaw nga groufie kaupod an bag-o nga kasal ha Instagram agud pamatud-an nga umatender ini ha tama nga okasyon.
Ha iya Instagram stories, igin pakita gihapon hini kun patiunan-o niya gin sigurado nga diri sayop nga petsa an aada ha kalendaryo. Kaupod gihapon hini ha nasabi nga seremonya an iya on-screen bestfriend nga hi “Pepito” o Michael V.
