Kampante hi Bicol Saro Partylist Rep. Terry Ridon nga diri makaka-apekto ha impeachment proceedings an paghahaon ni Atty. Manases Carpio hin kaso ha Quezon City Prosecutor’s Office.
Sumala kan Ridon, magpapadayon la gihap an proceeding, sugad han urhi nga hearing han House Justice Committee nga nakatalaan ha Abril 29, ha kaluyo han patong-patong nga kaso nga igin haon sugad han pagtalapas ha Anti-Money Laundering Act (AMLA), Bank Secrecy Law, ngan Data Privacy Act.
Bumuelta gihpon hi Ridon ha kampo ni Carpio ngan VP Sara Duterte ngan gin malatumat nga an paghahaon hin kaso in diri makakapagtago han na nabukwat na nga mga financial activity ha mga account han mag-asawa.
Dugang pa hini, baga-baga la hin gin amin ni Carpio nga may ‘factual basis’ an mga record nga igin gawas han Anti-Money Laundering Council sugad man hin baga gud man hin gin karawat han kampo han mag-asawa nga may-ada nahinabo nga P6.77 billion nga transactions.
Nanindogan hi Ridon nga nagsisirbi kumo chairman han House Committee on Public Accounts, nga diri igin didiri an AMLA, Bank Secrecy Law, ngan Data Privacy Act an paggawas han mao nga rekord, tarihas han gin basaran han igin haon nga kaso ni Carpio.
