Magpapatuman an mga kumpanya han lana hin dako nga rollback ha presyo han diesel nga ma abot ha P12.94 kada litro tinikangan yana nga Martes, Abril 28, 2026.
Sumala kan Energy Secretary Sharon Garin, an bag-o nga price adjustment in epektibo tikang Abril 28 kutob Mayo 4, 2026.
Mahitungod ha rollback, gin lalauman mahimubo an presyo han diesel ha butnga han P75.93 kutob P101.96 kada litro, depende ha lugar ngan brand han gasoline station.
Smatang, dako gihapon an ig uubos han presyo han kerosene nga aada ha P15.71 kada litro.
Ha lain nga bahin, kabaliktaran naman ini ha magigin gios han gasolina kundiin, magkakaada hin dugang presyo.
Para ha Research Octane Number (RON) 97, mahitaas hin P0.53 kada litro, rason kun kay ano lauman nga maabot ha P79.79 kutob P104.93 kada litro an magigin retail price hini.
Subay ha Department of Energy, ini na an ika-tulo ka semana han sunod-sunod nga rollback han diesel mahuman an pagbabag-o ha world supply kasunod han kasunduan nga ceasefure han U.S.-Israel ngan Iran.
Manunumduman nga tikang Pebrero 28, sunod-sunod nga pag hitaas hin presyo ha produkto nga petrolyo an igin patuman mahitungod han nahihinabo nga gyera ha middle east nga nakakaapekto ha suplay han lana ha world market.
