Nakatalaan magin host hi Marina Summers ha tiarabot nga Miss Universe Philippines coronation night ha Mayo 2, alas-7 han gab-i ha Mall of Asia Arena.
Manunumduman nga dida han 2024, utro nga bumida hi Marina ha entablado han Miss Universe Philippines kumo opening act kun diin gin perform hini an “AMAFILIPINA.”
Hiya gihapon an pinakasyahan nga drag queen nga nakag-perform ha entablado han nasabi nga paisan-isan, nga iginkokonsidera nga makasaysayanon nga ‘moment’ para ha kompetisyon.
Nakilala hi Marina ha syahan nga season han “Drag Race Philippines,” kun diin hiya an nagin runner-up. Ha pag-iha, gin representa niya an nasud ha “RuPaul’s Drag Race: UK vs The World” ngan naghuman ha ikaupat nga pwesto.
Samtang, ginlalauman nga kokoronahan an masunod nga Miss Universe Philippines ha kaparehas nga gab-i, kun diin hi Ahtisa Manalo an magpapasa han korona.
