Gin anunsyo han Department of Energy (DOE) nga umabot na ha nasud an kabug-usan nga 178 milyon litro hin diesel kumo kaparte han pitad han gobyerno agud mas padig-ono an suplay han lana ha butnga han nagpapadayon nga gyera ha Middle East.
Sumala ha DOE, an urhi nga shipment in kumumpleto hin upat nga kargamento ha ilarom ha Executive Order No. 110 nga igin pagawas ni Pang. Ferdinand Marcos Jr. agud proteharan an ekonomiya kontra ha pabag-o bag-o nga presyo han lana ha world market.
Subay kan Energy Secretary Sharon Garin an manilampuson nga delivery, nga gin papangunahan han Philippine National Oil Company-Exploration Corporation (PNOC-EC), in pagpapamatuod han dayon nga aksyon han gobyerno agud masiguro an sadang nga suplay han fuel ha nasud.
Samtang, igin distribwer an mga shipment ha mga pangunahon nga hub ha nasud sigad han Batangas, Subic, ngan Davao agud magkaada hin sadang nga suplay ha iba-iba nga parte han nasud.
Gin tagan duon pa han DOE nga importante an mao nga reserba agud masiguro an padayon nga operasyon ha transportasyon, logistics, ngan agrikultura ha nasud.
