ENTERTAINMENT – Personal nga umatubang an ‘online personality’ nga hi Jack Argota ha ginbuhat nga preliminary investigation han reklamo nga ginkakaatubang ha Department of Justice.
Ginpasakahan hiya han National Bureau of Investigation han reklamo nga ‘cyber-libel’ ha ilarum han Section 4 han R.A. 10175 o Cybercrime Prevention Act of 2012 kasumpay han Article 353 ngan Unlawful Publication han Article 154 han Revised Penal Code.
May kalabutan an mga reklamo nga ginpasaka kontra ha iya han ginpost hini online an peke nga ‘medical record’ ni Presidente Ferdinand Marcos Jr.
Ha interview kan Jack Argota, ginmalatumat niya nga nagpasaka hiya hin ‘counter-affidavit’ ha prosekusyon pero waray na hini ginpaangbit an detalye hini.
Samtang ginpanhimuwa naman ni Argota nga iya ginamin nga peke an ginpost ‘online’ samtang mensahe naman niya ha iya mga tagasuporta nga padayon la gihapon hiya nga tapuran han mga ini.
