SAMAR – Gin malatumat ni Samar 1st District Former Representative Egdar Mary Sarmiento nga malabo mahibasura an impeachment complaint nga ginkakaatubang yana ni Vice President Sara Duterte.
Dugang pa hini, kumpara han una nga format in dako an gin kaibhan han dalagan han pagdungog yana han House Committee on Justice.
Han una nga format, ginpapasa dayun han prosekusyon han House of Repsentatives an impeachment case ha Senado agud didto ig-hearing mahitungod nga hira man an korte ngan mga hukom o judges.
Pero ha bag-o nga format, kahuman matudlok nga substancial in form and substance an impeachment complaint in tatagan hin 10 kaadlaw an akusado nga bumaton ha mga alegasyon nga iginbabatak haiya. Matapos naman nga makarawat an baton han akusado in ighe-hearing ini ha Justice Committee ha sulod han 60 kaadlaw.
Sanglit, ugsa paman umabot ha Senado an kaso in magkakagawas na ha Kamara pala, an mga ebidensya han mga kaso nga iginpasaka ha kontra ha bise presidente.
Kun igkukumpara han una nga format, ha Senado kaurugan ginhe-hearing an kaso ngan amu pala an paglatag han mga ebidensya kasumpay han mga alegasyon.
Basar manggud han bag-o nga kamanduan nga ginpalusad han Korte Suprema, kinahanglan tagan hin higayon an akusado nga magbaton ha mga alegasyon ha iya ha Kamara.
