METRO MANILA – Dako an tyansa nga ma-isaka ha Senate impeachment court an impeachment case kontra kan Vice President Sara Duterte kun dire ini maatubang ha pagbubuhaton nga impeachment hearing han House Committee on Justice tinikangan hiton Marso 25.
Sumala kan Committee chairperson ngan Batangas Rep. Gerville Luistro, kun makakagpresentar hi VP Sara hin mga ebidensya kontra ha mga ebidensya han mga complainants in puydi niya makumbinsi an mga miyembro han komite ngan an bug-os nga korte nga ibasura an ginkaatubang niya nga mga reklamo nga impeachment.
Duon ni Luistro, an pag-atender ni VP Duterte ha impeachment hearing in kaparte han due process agud maigawas an iya parte ngan ipanhimuwa an mga alegasyon nga iya ginkakaatubang.
Sumala naman han miyembro han komite nga hi Bicol Saro Party-list Rep. Terry Ridon, dire puydi piriton hi VP Duterte nga umatender ha impeachment hearing.
Ginsigurado naman ni Ridon, nga klaro ha rules nga mag-partisipar man o dire hi VP Sara in magpapadayon la gihapon an proceedings ha Committee on Justice nga maikokonsidera nga “mini trial” mahitungod ilalatag han complainants ngan respondents an ira mga ebidensya, dokumento ngan mga testigo.
