NATIONAL – Posible nga igbasura an impeachment case kontra kan Vice President Sara Duterte kun mapamatud-an nga waray hurisdiksyon an ha pagkayana impeachment court.
Ini in iginpahayag ni Senator Alan Peter Cayetano ngan pag-isplikar pa niya, bisan diri pa napapagawas an ebidensya, puydi igbasura an impeachment case kun ha siyahan pala in waray hurisdiksyon an nasabi nga hukmanan yana nga 20th Congress.
Pero pagklaro han senador, diri magigin madali an pagbasura ha kaso ngan kinahanglan adman anay ini hin maupay.
Ha pagkayana, naka-depende ha Kamara an utro nga pagco-convene han Senate impeachment court ha 20th Congress para ha impeahment trial kontra kan Duterte.
Samtang, sumala naman kan Senate impeachment court Spokesperson Atty. Regie Tongol, kinahanglan anay magsubmiter han Kamara, nga natindog kumo prosekusyon, an gin-aaro ha ira nga sertipikasyon kun karuyag nira nga igdayon an trial kontra kan VP Sara
