-- Advertisements --
NATIONA NEWS– Ginkalipay han Department of Tourism (DOT) nga sobra 1 ka-milyon nga mga turista an bumisita ha nasud han nakalabay nga Enero ngan Pebrero.
Subay ha datos han DOT, mayda kabug-usan nga 1,167,908 nga mga foreign travelers an bumisita ha nasud ha syahan nga duha kabulan han tuig.
Ine in mas hitaas hin 0.96 percent o kablayon han 1,156,771 nga ihap ha kaparehas nga bulan han nakalabay nga tuig 2024.
Ha nasabi nga ihap in 25% nga mga foreign visitors in tikang ha South Korean ngan ginsundan ine hiton US, Japan, Canada ngan Australia.
Matungod ha paghitaas han ihap han mga langyawanon nga bumisita ha nasud in humitaas gihapon an kuhida nga nalikom hiton nasud.
