TOP–Sumaka ha 2.54-M an ihap han mga Pilipino nga waray ttabaho o negosyo han Oktubre 2025.
Kabalyo ine han 5% nga paghitaas nga karuyag-signon nga ada ha 50 tikang ha 1,000 ka indibidwal an waray trabaho o negosyo sulod han nasabi nga panahon.
Mas hitaas an unemployed han Oktubre kumpara ha 1.97-M nga unemployed han Oktubre 2024.
Ha press briefing yana nga ika 10 han Disyembre ha Labor Force Survey han Oktubre, gin-eksplikar ni Philippine Statistics Authority (PSA) USec ngan National Statistician Claire Dennis Mapa, nga an paghitaas han mga unemployed ha nasud han naglabay nga bulan kay durot han dire pagkaka-abkarawat ha trabaho han iba nga nag-partisipar ha labor market.
Ha year-on-year, sumala ha PSA chief, nadugangan hin 576-K an ihap han mga unemployed, samtang 463-K naman an nadugang ha mga nagkatrabaho.
Gin-eksplikar gihapon han PSA chief nga gutiay an epekto han bagyo han Oktubre ha pag-gios han ihap han mga waray trabaho.
Ha agricultural ngan forestry, sumaka ha 1.87-M an nagkaada hin trabaho basar ha quarter-on-quarter kun diin pinakadako nga ambag dinhi an pagtatanum hin humay matungod nga an peak season han rice farming in ha urhi nga kwarter han tuig ngan sumunod naman an pagtatanum hin mais ngan hog farming.
