NATIONAL NEWS– Tumugot an International Criminal Court (ICC) Pre-Trial Chamber 1 nga pahalawigon an deadline ha pagsumiter han mga dokumento maypaghisumpay ha mga testigos ha kaso ni anay Pangulong Rodrigo Duterte.
Ha 5-pages nga desisyon nga mayda petsa nga Mayo 20 nga pinirmahan ni Presiding Judge Iulia Antoanella Motoc, iginmando han kapulungan ha prosekusyon nga kumpletuhon an disclosure han arrest warrant material maypaghisumpay ha mga testigos nga dire malahos ha Hulyo 1, subay ha request han prosekusyon.
Ha Hunyo 16, an deadline han prosekusyon para magsumite hin anuman nga mga aplikasyon para ha reduction han mga pangilal-an han mga testigos o non-disclosure han bug-os nga items han ebidensya ngan deadline para ha Victims and Witness Units para naman magsumite han ira obserbasyon ha nasabi nga mga aplikasyon.
Ha Hunyo 20 naman an igintalaan nga deadline para ha pagsumite han anuman nga baton maypahisumpay ha mga nasabi nga submissions.
Ha Hulyo 1, an deadline han prosekusyon agud makompleto an disclosure han Arrest Warrant Materials maypaghisumpay ha mga testigos nga nasabi ha ira request.
Manunumduman nga dida han Mayo 9, nagpadara an prosekusyon hin bag-o nga mga dokumento maypaghisumpay ha arrest warrat pero naghangyo gihapon ine hin panibag-o nga deadline para ig-disclose an nasasalin nga materyal.
