NATIONAL –Posible mag-isyu an International Criminal Court (ICC) hin mas damo pa nga arrest warrant kontra ha co-perpetrator ni anay Presidente Rodrigo Duterte kasumpay ha mga pamatay ha war on drugs han iya administrasyon.
Subay ha abogado han mga pamilya han mga biktima han drug war nga hi Atty. Joel Butuyan, mayda mga indikasyon nga mayda pa iba labot ha anay Presidente an posible nga isyuhan hin arrest warrant kun pagbabasehan an igin serbi nga warrant kan Duterte tikang ha International Criminal Court.
Ginmalatumat pa han abogado nga kaupod gihapon ha listahan han ICC counsel, in posible nga usa hi anay Philippine National Police (PNP) chief ngan presente Senator Ronald Dela Rosa ha co-perpetrators nga posible maserbihan han arrest warrant ha mga masunod nga adlaw.
Samtang, gin lalauman gihapon han damo nga mga Pilipino an mapakadto ha ICC para tumestigo kasumpay ha kaso kontra ha anay Presidente.
