NATIONAL–Gindiwara han International Criminal Court (ICC) an hangyo han kampo ni anay Paangulong Rodrigo Duterte nga ig-diskwalipika an 3 ka abogado han mga drug war victims.
Ha 9 ka pahina nga redacted version han desisyon nga ginsapubliko han Biyernes, ika 20 han Pebrero, ginmalatumat han chamber nga napakyas an mga argumento han depensa nga igpakita nga mayada conflict of interest ha parte han mga abogado nga hira Atty. Joel Butuyan at Atty. Gilbert Andres, ilarom han article 16 ng Rome Statute.
Mababaruan, ginhangyo gihapon han legal team han anay Pangulo han Pebrero 11 ha Chamber agud nga tokahan an ICC Registry nga igsuspendi an akses nira Atty. Butuyan, Atty. Andres kasama ngan Atty. Nicolene Arciana ha record han kaso samtang pending an desisyon.
Nagin basehan han depensa para ighangyo an diskwalipikasyon han tulo ka legal representatives an ginaalegar nga “impediment to representation” durot hin conflict of interest, ha rason nga mayada ginaalegar nga propesyunal nga koneksyon hira Butuyan ngan Andres kan Arcaina, nga ginaalegar nga naghahatag hin impresyon ha pagkiling nga pwede makaapekto ha integridad han ginbubuhat nga mga proceedings
