TACLOBAN CITY – Arestado an usa nga High Value Target HVT ha gindumara nga drug buy bust operation han mga otoridad
ha Magsaysay Boulivard Tacloban City.
Ginkilala an suspek kan Alyas Manok, HVT- 29 anyos ngan lending collector, ngan residente han Brgy. 43-B Quarry District Tacloban.
Sumala kan PMAJ. Marjorie Manuta, tagapagyakan han Taclonan City Police Office TCPO, nga napalit ha suspek an 1 nga naka-scotchtape nga transparent cellophane nga mayda sulod nga gintutuohan nga shabu nga mayda estimated market value nga P250,000.
Samtang nakuha gihapon ha posisyon han suspek an 38-nga kalibre nga revolver, loaded ine hin 4 nga bala, nakuha gihapon ha suspek an kwarta nga gingamit kumo budol money, ngan mayda pa nakuha nga kadugangan nga droga nga mayda naman estimated market value nga P340,000 ka pesos.
Hapagkayana, kapot na han mga otoridad an suspek ngan maatubang ine ha pagtalapas ha kaso han R.A 9165, section 5 and 11, sugadman an kaso nga pagtalapas han possesion and selling, ngan RA 10591, matungod han pagkakamyada hine hin pusil.
