TACLOBAN CITY – Maabot ha 151,710 nga kaso han animal bite an nahipatik ha Sinirangan Bisayas dida han nakalabay nga tuig basar ha datos han Department of Health Eastern Visayas.
Aada naman ha kabug-usan nga 426 nga kaso han mga namatay kasumpay ha rabies ha bug-os nga Pilipinas nga mayda gihapon tikang ha probinsya han Eastern Samar, Leyte ngan Southern Leyte.
Sumala kan Department of Health Eastern Visayas Information Officer, Ken Fabula, nga padayon an ira monitoring yana nga tuig, labi na yana nga summer season mahitungod nga ini an panahon kun diin nahitaas iton kaso han rabies.
Dugang naman ni Fabula nga mayda libre nga ginhahatag nga bakuna o anti-rabes shot an buhatan ha publiko, kun diin dako ini nga bulig para ha mga nakagat ngan karuyag magpabakuna.
Samtang ginduon hini nga importante an pagpabakuna labi na an may mga ginaatiman nga hayop agud mapugngan an maduduktan ngan paghitaas han kaso han rabies.
