Naghimatngon an Presidential Communications Office (PCO) ngan Department of Information and Communications Technology (DICT) nga posible kasuhan Meta Platforms Inc. kun dire hini mapugngan an pagsarang han fake news ha mga platform sugad han Facebook.
Ha surat han duha nga ahensya, gin manduhan an Meta nga dayun pahugtan an pagbabantay ha sayop nga impormasyon nga nagdudurot hin panic ngan kasamok.
Mayda 48 kaoras an kumpanya agud kumpirmahon an surat ngan pito kaadlaw agud maglatag hin konkreto nga plano.
Suby ha DICT ngan PCO, kun kulang an aksyon, pwede ini umatubang ha legal ngan regulatory measure ha pakikigsumpayan ha Department of Justice ngan iba pa nga ahensya.
Gintagan-duon gihapon han gobyerno nga mas nagtitikaduro an epekto han fake news ha butnga han paghitaas han presyo han lana ngan papliton.
Kaupod ha mga gintututukan an peke nga balita ha panlwas han presidente, sayop nga impormasyon ha presyo han lana ngan suplay, ngan panguwat ha barko ngan ekonomiya.
Pahimatngon han gobyerno, an sugad nga buruhaton in posible magtalapas ha Cybercrime Law ngan iba pa nga nagpapadayon nga balaod.
