DAVAO CITY – Klaro para kan House Deputy Minority Leader ngan ACT Teachers Party-list Rep. Antonio Tinio nga an pagkakatudlok kan Davao City Mayor Baste Duterte kumo presidente han Partido Demokratiko Pilipino o PDP in “Plan B” para ha 2028 presidential elections.
Duon ni Tinio, ini in kumo pangadaman han mga Duterte kun ma-impeach kutob ha Senado hi Vice President Sara Duterte, nga basar ha 1987 Constitution in may kaupod nga perpetual disqualification ha bisan ano nga posisyon ha gobyerno, kaupod an pagdidire ha pagkakandidato ha pagkapresidente an mga na-impeach.
Gintudlok ni Tinio nga labot ha paghimo nga presdiente han PDP kan Mayor Baste, in mayda pa ginbubug-os nga koalisyon nga Reform Alliance for Good Governance and Accountability para tagan hin national platform ini.
Para kan Tinio, an nasabi nga mga pitad in nagpapakita nga kabado an kampo han mga Duterte mahitungod nga dako an posibilidad nga magpadayon an conviction ha Senate Impeachment Court kontra kan VP Sara Duterte.
