SAN MIGUEL, LEYTE — Dako an pasasalamat han munisipalidad han San Miguel, Leyte mahuman ini makakarawat hin pagkilala kasumpay ha ginganap nga Saludo Excellence Award yana nga tuig 2026.
An Saludo Excellence Award in himo han usa nga organisasyon nga mahugot nga nangi-nginano ha mga indibidwal ngan sektor ha bug-os nga nasud, nga nagpakita hin “remarkable achievement” ngan kontribusyon ha pagribhong han ira lugar.
Panuyuan hini nga award in tagan pagkilala an dedikasyon ngan serbisyo han mga molupyo ngan lider nga nagin susi ha padayon nga progreso hiton usa nga lugar kun diin, nagin-kwalipikado an mao naman nga munisipalidad.
Ginkarawat an pagkilala ni San Miguel, Leyte Mayor Atty. Norman Sabdao, nga gin-awaran hin Saludo Exellence Award for Outsanding Humanitarian and Leadership Service, para ha iya pagmangulo ha mga programa nga ginkaribhong han munisipalidad, labi na an mga inisyatiba han lokal nga pangobyernuhan dida han mga nakalabay nga kalamidad.
Sumala ha mayor, nga ini nga pagkilala in gintutudlok nga importante nga pitad ha pagpapakusog han identidad han San Miguel kumo usa nga naribhong nga bungto ha probinsya han Leyte.
Ha kabug-usan, ginpapakita han mao nga award an kolektibo nga paningkamot han mga San Miguelnon nga igduso an karibhong ngan pagkaurusa, ha kaluyo han mga ayat han makabag-o nga panahaon.
