METRO MANILA – Gindig-unan ni Akbayan Party-list Rep. Chel Diokno an iya hangyo ha House Committee on Justice nga mag-secure hin mga importante nga dokumento nga may paghisumpay ha impeachment complaints kontra kan Vice President Sara Duterte.
Kaupod dinhi an Statements of Assets, Liabilities and Net Worth o SALN ni VP Duterte, mga financial transactions, ngan records han National Bureau of Investigation kasumpay ha panarhog niya ha kinabuhi ni Pres. Ferdinand “Bongbong” Marcos Jr., First Lady Liza ngan anay Speaker Martin Romualdez.
Sumala kan Diokno, panuyuan han iya request nga mapreserba an mga documentary evidence nga makakabulig ha pagpatuman han komite ha responsibilidad hini nga adman an mga ebidensya.
Baton ini ni Diokno ha pahayag ni VP Sara nga an iya mga pitad ngan an impeachment proceedings in nagpapakita hin fishing expedition o padayon nga pagpinamiling hin mga ebidensya kontra ha iya.
Gindig-on ni Diokno, nga ha kaurhian an ebidensya la gihapon an magsisiring kun may-ada baratunon an VP ngan an impeachment proceedings an insakto nga lugar agud gumawas an kamatuoran.
