NATIONAL NEWS – Ginsigurado han gobyerno nga magpapabilin ine nga nakalbantay ha mga bagsakan han isda ha mga lugar nga apektado han oil spill ha paglunod han fuel tanker nga MT Terranova ha Limay, Bataan.
Subay ha ahensya, kaupod han ira mga ginbabantayan in an fishport ha Navotas.
Kun manunumduman, basar ha gindumara nga panginano han Bureau of Fisheries and Aquatic Resources o BFAR in nagawas nga an nakuha nga sample ha Manila Bay ngan Cavite in mayda nga traces hin oil spill.
Ginpahayag naman ni Agriculture Assistant Secretary Arnel de Mesa nga waray hunong an ira ginbubuhat nga sensory testing ngan evaluation ha mga nadadakop nga isda ha kasapit hine nga lugar.
Panuyo hine nga masigurado nga waray trace han lana o dire kontaminado hin lana an lugar.
Kumo kaparte han paghirot in igindire la anay han BFAR an pagkaon han mga dakop nga isda ngan shellfish ha nasabi nga lugar.
