NATIONAL – Gin kumpirma han Department of Justice nga igkasi-respondent ni Sen. Jinggoy Estrada ha ‘plunder case’ ha flood control hi former Department of Public Works and Highways Secretary Manuel Bonoan.
Sumala kan Justice Spokesperson Atty. Polo Martinez, kaupod an nasabi nga sekretarya ha mga ginpasakahan han National Bureau of Investigation hin reklamo nga plunder.
Co-respondent daw han senador hi former Public Works Sec. Bonoan ngan mayda ine hibabruan ha iregularidad ha mga proyekto han gobyerno.
Pagklaro naman ni Justice Spokesperson Atty. Polo Martinez, dire la ine kasumpay ha uusa nga proyekto, kundi ha gin aalegar kinawat nga karikuhan nga nagkakantidad hin sobra P50 milyon.
Kombinasyon daw han pira ngan gin-urusa nga mga transakyon nga may paghisumpay ha flood control projects anomaly.
Waray pa naman nakatalaan nga skedyul o petsa kun sano matitikangan an preliminary investigation kasumpay ha plunder case.
