TACLOBAN CITY – Nagtikang na ka-kulop nga adlaw Hulyo 25 an enrollment ha bug-os nga rehiyon ngan maghuhuman ine ha Agusto 22 para ha opening han school year 2022-2023.
Sumala kan Jasmine Francisco Calzita, Information officer han DepEd Regional office 8, nga ha syahan nga adlaw han pagtikang han enrollment in maabot na ha 22,000, nga mga estudyante an ira na-record nga nagpaenrol.
Dugang pa han mao nga opisyal, nga ine nga mga nagpaenrol in tikang han 367 nga mga public schools ha rehiyon, kun diin damo pa an waray magpasa hin mga report nga mga skwelahan matungod nga maabot ha 4,000 nga mga public schools an mayda an Sinirangan Bisayas.
Ginmalatumat ni Calzita, nga posible pa ine madugangan yana nga semana, ngan ira naman gud ginlalauman nga posible ine sumaka ha 1.2, to 1.3-milyon nga mga enrollees para yana nga school year.
Ginklaro naman hine nga ha nasabi nga enrollment, in waray hira gin-aaro nga bayad ha mga kag-anak kun diin ine an kasagaran nga nahirereport ha kada nag-aabre an skwela.
