TACLOBAN CITY– Nakatalaan nga maghuman yana nga adlaw an petsa han pagdumara hiton End of School Year Rights, para ha mga Elementary- Secondary Level, sugad hiton Graduation Rights ngan Moving-Up Ceremony, kun diin pira nga mga eskwelahan in nagin maduruto ha pangandaman han nasabi nga paghuhuman han S.Y. 2023-2024.
Sumala kan Jasmin Francisco Calzita, Information Officer, DepEd Regional Office 8, nga una na mangud nagpalusad an buhatan hiton Department of Education nga an May 29-31, 2024 , an nakatalaan nga petsa para han pan-gradwar.
Dugang pa hine nga ira ginlalauman an maabot ha 90,190 nga mga estudyante an maghuhuman han ira Senior High School o Grade 12, nga subay ha ira datos nga enrolled yana nga tuig, pero ha kaluyo han mao nga ihap in dire naman tanan han mga ine nagpadayon han ira pag-eskwela, sanglit hapagkayana naghuhulat pa an ira buhatan hin report han kada eskwelahan ha Eastern Visayas, kun pira gud an aktwal nga ihap han mga Senior High School nga namangradwar.
para han S.Y 23-24.
Manunumduman, una na nga naghatag hin suhestyon an buhatan hiton DepEd, nga inkaso waray magagamit nga maupay an bentilasyon para ha venue, in pwede naman pagdumaraon an graduation rights ha alas 3:00-4:00 hiton kulop para dire na gud sugad ka-ping-it an kapaso dara hiton El Niño phenomenon.
Ha lain nga bahin, labot la ha mga regular nga klase nga nangradwar, in mayda gihapon mga estudyante nga naghuman han ira Senior High School ha Alternative Learning System ALS.
