SPORTS NEWS– Mas nagin maaringasa pa an pantag han tennis ngan an Filipina nga hi Alex Eala matungod ha nakatalaan ine nga maka-atubang hi anay worlds no. 1 Venus Williams ha doubles opener han ASB Classic ha Auckland, New Zealand.
Makikipag-partner hi Eala kan Iva Jovic, kampeon han 2025 Guadalajara Open, kontra ha duo nira Williams ngan anay world no. 3 Elina Svitolina.
An mulay in kaparte han women’s doubles round of 16 ngan ginlalauman nga babantayan ine hiton ngatanan an nasabi nga pagkatumparak ha torneo.
Labot ha doubles, nakatalaan gihapon nga ka-atubangon ni Eala hi Donna Vekic ha iya singles opener ha kaparehos nga adlaw.
Posible naman nga magka-atubang hi Eala ngan Williams ha usa nga blockbuster quarterfinal showdown ha singles kun parehos makatabok an mga ine ha syahan nga duha nga round.
An ASB Classic in nagseserbi nga preparasyon ni Eala para ha iya main draw debut ha Australian Open nga magtitikang ha Enero 18, 2026.
Panuyo han Filipina tennis ace nga igpadyon an iya momentum mahuman nga magin malinampuson ha 2025 season kun diin umabante ine ha world no. 53 ranking.
