Nalahusan han Philadelphia 76ers an do-or-die nga Game 5 kontra ha Boston Celtics.
Iginposte han Sixers an 28-11 tun ha fourth quarter agud agawon an kadaugan ha Boston, gamit an 16 points nga kalamangan.
Gin domina manggud han Celtics an syahan nga duha nga kwarter han nasabi nga mulay pero nahimo han Sixers nga ig ubos an kalamangan pag-abot han 3rd quarter.
Waray na makabawi pa an Boston ha 4th quarter, mahuman ini maka-eksperyensya hin defensive breakdown ngan matilawanb an 28-11 run ha bug-os nga 12 mins.
Ginpangunahan ni Sixers center Joel Embiid an comeback win han Sixers ha iya 33 points ngan walo nga assists, samtang 25 points ngan 10 rebounds naman an nagin kontribusyon han guard nga hi Tyrese Maxey.
Parehas nga iginbabad ha 41 mins an Boston duo nga hira Jayson Tatum ngan Jaylen Brown pero pakyas an mga ini nga pugngan an bigtime comeback.
Ada naman 22 points la an nahimo ni Brown mahuman nga malimitahan ha siyam nga field goals, amtang 24 points naman an kontribusyon ni Tatum kaupod an 16 rebounds.
Mabalik na ha homecourt hsn Sixers an ika-unom nga mulay ha butnga han duha, nga usa la gihapon nga do-or-die game, 3-2.
