Igin parayaw han usa nga Filipino artist an kahusay han OPM ha entablado han ASEAN Rhythms: A Cultural Celebration nga ginbuhat ha University of California, Los Angeles, kun diin tampok an anay The X Factor Philippines finalist nga hi Mark Mabasa kumo tinaglawas han Pilipinas.
Gin peform ni Mabasa an emosyonal nga bersyon han “Babalik Ka Rin,” nga ginsundan han “Heal the World,” nga parehas ginkarawat han mga magkirita tikang ha magkadiru-dilain nga nasud ha ASEAN.
Sumala kan Mabasa, ussa nga dako nga dungog nga napili hiya han Philippine Embassy ha Los Angeles agud igrepresenta an nasud.
Aminado gihapon hiya nga nakaabat hiya hin kulba ha syahan mahitungod ha kabug-at han responsibilidad pero nabalyuan ini hin kalipay ngan pagdako han makit-an an positibo nga pagkarawat han international audience ha iya pagperform.
Dugang pa hini, nagin espesyal an eksperyensya mahitungpd ha malipayon nga reaksyon han mga magkirita ha kada pagsaka niya ha entablado, bisan magkakaiba an kultura ngan lenggwahe han mga ini.
