Magpapadayon an pangandaman ni Alex Eala para ha French Open pinaagi han duha nga sunod nga torneo ha Italy mahuman an produktibo nga kampanya ha Spain.
Mahuman nga umabot ha second round han singles ngan doubles ha Mutua Madrid Open dida han weekend, ginmalatumat han 20-anyos nga Filipina tennis star nga determinado hiya nga bumalik hin mas makusog.
Ugsa ini, magkakamay-ada anay hi Eala hin usa kasemana nga pahuway ugsa hiya sumabak ha Internazionali BNL d’Italia ha Rome tikang Mayo 5 kutob Mayo 17.
Usa ini nga WTA 1000-level tournament, usa ha pinakadagko nga events ugsa an French Open.
Kaupod gihapon hi Eala ha listahan han mga mabulig ha Parma Ladies Open ha Parma tinikangan Mayo 12 kutob Mayo 17, pero nakadepende pa an iya pagbulig ha magigin dalagan han iya kampanya ha Rome.
An mga clay-court tournaments in an magseserbi nga urhi nga pangandaman ni Eala para ha French Open nga pagbubuhaton tikang Mayo 24 kutob Hunyo 7 ha Paris.
Hi Eala, nga naghuman ha Rafael Nadal Academy, in nakagmulay na ha tulo nga clay tournaments yana nga season kumo pangandaman.
Sugadman, waray pa hiya makalahos han second rounds ha kada torneo.
Ha Madrid Open, naperdi hiya ha second round kan Elise Mertens han Belgium, 6-2, 6-1.
Ha doubles naman, napirde hira han Turkish partner niya nga hi Zeynep Sonmez kontra kanda Katerina Siniakova ngan Taylor Townsend, 6-1, 7-5.
Ha presente, ada ha No. 44 hi Eala ha world rankings ngan target hini nga utro sumaka mahuman mga makab-ot an career best No. 29 dida han nakalabay nga tuig.
