SPORTS–Ginlalauman ni Alexandra Eala an usa nga makuri nga mulay kontra ha American tennis star nga hi Coco Gauff ha round of 32 han Indian Wells Open.
Magkaka-atubang utro an duha pira ka semana mahuman han ira mulay ha quarterfinals han Dubai Tennis Championships kun diin dumaog hi Gauff ha iskor nga 6-0, 6-2.
Sumala kan Eala, ginlalauman niya nga magiginn makuri an ira utro nag pag-atubang labi na nga magmumulay hi Gauff ha kalugaringon nga naud kun diin poanigurado nga damo an mangingita nga masuporta ha iya.
Dugang pa hine, gagamiton niya an mga na-aram niya tikang han naglabay nira nga mulay samtang ginaandaman an masunod nga pag-atubang.
Samtang, nakasulod naman hi Eala ha Round of 32 mahuman nga napirde niya hi Dayana Yastremska ha Round of 64 nga sumala ha FIlipina tennis star nga ginkinahanglan niya nga ighatag an iya bug-os nga kakusog agud nga makuha an daog ngan ginlalauman niya nga mas magigin mahugot pa an laban ha masunod niya nga makaka-atubang.
