TACLOBAN CITY: Padayon nga ginmomonitor hiton Department of Trade and Industry DTI-8, adton mga pampresyuhan han pangunahon nga papliton partikular na adton mga produkto nga mag-increase durante na gihapon han pagtikang han ber months.
Sumala kan Anthea Aivi Borbon Ancheta, Information Officer, Department of Trade and Industry Regional Office Vlll, ha pagkayana mayda an ira buhatan ginpapatuman nga Suggested Retail Price (SRP), nga dapat sundon han mga establishments.
Dugang pa ni Ancheta, nga ginbabana-bana nira magtitikang mag increase an mga manufacturers ha ira mga products ha bulan hiton Octobre.
Pananglitan naman magpatuman hin increase an mga manufacturers, mag-aalutaga la hira hin minimum nga dire masobra 10% an ira ighihitaas ha ira produkto, agud nga dire maduro-durohan an mga konsumidor.
